Hames Rodrigez është futbollisti më i ri i Bajernit të Mynihut.
Pas 3 sezonesh, kolumbiani largohet nga Reali i Madridit dhe do të fillojë tashmë një aventurë të re në Gjermani, pasi dy klubet gjetën akordin e transferimit mes tyre.
Kalimi i Rodrigezit te Bajerni është në formë huazimi me detyrim blerjeje pas dy sezonesh, teksa në verën e 2019-s gjermanët duhet të derdhin në arkat e spanjollëve plot 60 milionë euro.
Hames do të bashkohet te Bajerni sërish me trajnerin Ançeloti, nën drejtimin e të cilit shprehu më të mirën e tij me fanellën e Realit. Ai do të përfitojë një pagë prej 6 milionë eurosh në sezon, shkruan PanoramaSport. Bajerni në këtë mënyrë zëvendësoi menjëherë të larguar Dagllas Kosta i cili ka zgjedhur të transferohet drejt Juventusit.